Tevž Logar

Tevž Logar (1979) punon si kurator i pavarur, redaktor dhe autor. Ai ka kuruar ose bashkëkuruar një numër ekspozitash grupore dhe individuale dhe ka bashkëpunuar me institucione, galeri, koleksione dhe botues, si: Muzeu i Artit Modern dhe Bashkëkohor, Łódź; Moderna galerija, Lubjanë; Fondazione Sandretto Re Rebaudengo, Torino; Kunsthalle Praha; TBA21, Vjenë; Koleksioni Ovidiu Șandor, Timișoara; Kunsthalle, Bratislava; Bienalja e Artit Grafik, Lubjanë; Muzeu i Artit Modern dhe Bashkëkohor, Rijeka; Muzeu Ludwig, Budapest; Galeria James, New York; VOX, Montreal; Galeria Cooper, Dundee; Universiteti Amerikan në Bejrut; CAC Gjenevë; Kontakt Collection, Vjenë; Galeria Kombëtare e Kosovës; Galerija Gregor Podnar; Suprainfinit, Bukuresht; Mousse Publishing, Milano; Routledge, New York; dhe Artforum, New York. Në Bienalen e 55-të të Venecias (2013), ai punoi si kurator i pavijonit slloven, ndërsa në Bienalen e 58-të të Venecias (2019), bashkëpunoi me Pavijonin e Republikës së Maqedonisë së Veriut si konsulent kuratorial dhe me Pavijonin e Republikës së Kosovës si shkrimtar. Nga viti 2009 deri në vitin 2014, ai ishte drejtor artistik i Galerisë Škuc në Lubjanë, Slloveni, dhe ligjërues i Historisë së Artit të Shekullit XX në Akademinë e Arteve Vizuale (AVA) në të njëjtin qytet. Ai është skenaristi i dokumentarit artistik me metrazh të plotë Projekti Kancer: Ditari i Ulay nga nëntori në nëntor (2013) dhe është bashkëthemelues i Fondacionit Ulay (2014) në Amsterdam, ku aktualisht shërben si anëtar i Bordit Këshillimor. Që nga viti 2023, ai vepron si president i bordit të blerjeve të Koleksionit të NLB Bank SEE në Lubjanë, Slloveni. Në vitin 2014, ai u nominua për çmimin Gerrit Lansing Independent Vision Award (Independent Curators International) në New York. Ai jeton në Rijeka të Kroacisë.