18.09-04.10.2024
Dion Zeqiri / Nina Kuttler
Duke tentuar t’i zgjerojmë kufijtë e komunikimit mes artistëve e krijuesve të ndryshëm, Galeria 17 shndërrohet në varësi të nevojave të vet artistëve/eve e komunitetit. Në këtë rast Dion Zeqiri dhe Nina Kutller, ftohen të shfryztëzojnë hapësirën e galerisë si hapësirë pune. Galeria shndërrohet në hapësirë sa intime aq edhe të hapur, sa personale aq edhe publike, sa eksperimentale aq edhe krijuese, sa kërkimore aq edhe ekspozuese. Artistët/et pjesëmarrës/se do të kontribuojnë në çështje të ndryshme mjedisore dhe sociale, përmes një procesi të hapur punues, edukues dhe vetëdijësues. Ata përpos që do të ndajnë përvojat e tyre profesionale dhe personale me njëri/a-tjetrin/ën, po ashtu do të kultivojnë empatinë karshi mjedisit dhe drejtësisë sociale me publikun e gjerë. Teoristë/e, artistë/e, ekologjistë/e, e aktivistë/e të ambientit dhe kulturës do t’i bashkëngjiten kësaj nisme për të kontribuar në perspektiva të ndryshme ndaj ambientit, të cilat hapin rrugë për të shqyrtuar çështje me rëndësi sociale, kulturore e mjedisore, nga perspektiva queer. Galeria e hapur për publik, do të shërbejë si klasë ligjërimi, si studio punuese, hapësirë komunikimi e reflektimi, nikoqire e ligjëratave mysafire, laborator eksperimentimi, ku si rrjedhojë pjesëmarrësit bashkërisht do të ndërtojnë një ekspozitë, e cila edhe do të shënojë ekspozitën e e radhës në temën Ekologjia Queer.
Dion Zeqiri
Dion Zeqiri u lind në Prishtinë, Republika e Kosovës në vitin 1996. Nga viti 2015 deri në vitin 2018 ka studiuar Dizajn të Enterierit në Universitetin e Arteve, Prishtinë. Ai punoi si dizajner grafik që në moshën 18-vjeçare si përpilues i projekteve kreative. Zeqiri filloi të pikturojë në shkollën fillore në stile të ndryshme. Pas fakultetit, ai zhvilloi interesimin e tij për mediume të ndryshme, si: instalacione, skulpturë, video incizim dhe objekte të gjetura (të gatshme) si formë komunikimi. Praktikat e tij bazohen në efektet emergjente në lidhje me trupin e njeriut dhe metafizikën. Duke zhvilluar këtë praktikë ai nxjerr në pah aspekte subjektive me objektet që ka gjetur. Praktikat artistike të Zeqirit janë të rrënjosura në eksplorimin e kryqëzimit të të prekshmes dhe të paprekshmes, me fokus në ndikimin e menjëhershëm të botës së padukshme në trupin e njeriut dhe në aspektet metafizike. Në këtë proces, ai inkorporon elemente subjektive duke përfshirë objektet e gjetura. Marrëdhënia midis objekteve dhe kujtesës luan një rol të rëndësishëm në punën e tij, duke udhëhequr zhvillimin e artit të tij nëpër media të ndryshme.
Nina Kuttler
Nina Kuttler (ajo/asaj) është artiste dhe shkrimtare vizuale me bazë në Hamburg. Duke punuar në një sërë mediash si video, radio, instalim zanor, tekst dhe qeramikë, ajo përdor fiksionin spekulativ dhe narracionin e bazuar në kërkime si mjete për të eksploruar se si shkenca natyrore dhe historia formojnë perceptimet antropocentrike të botës. Qasja e saj artistike zhvendoset midis makro dhe mikrokozmosit, sipërmarrjes në kohë të thellë, si dhe të ardhmen fiktive dhe eksploron mjete të ndryshme të prodhimit të njohurive, kërkimin e fosileve, tensionin sipërfaqësor, pastrimin e leckave, horoskopët, hidrokarburet, format e jetës jashtëtokësore, trupat qiellorë, punën, femra pilote, astronomi, nëndetëset, karkalecat dhe peizazhe tingujsh nënujore për perspektiva alternative, të çuditshme ekofeministe mbi të tashmen ekologjike në kolaps. Puna e saj është shfaqur ndërkombëtarisht në hapësira të tilla si CAC Vilnius; Sanatorium, Stamboll; Harburger Kunstverein, Hamburg; Thkio Ppalies, Nikosia; Galerie Barbara Thumm, Berlin; Goldsmiths University, Londër; Kunsthaus Wiesbaden. Kohët e fundit ajo ishte artiste në rezidencë në IKSV, Goethe Institut, Hessische Kulturstiftung në Stamboll dhe Cité des Arts Paris, dhe ishte studiuese artistike e Agjencisë Federale Gjermane të Mjedisit. Ajo është redaktore mysafire e ftuar e botimit Montez Press Pfeil Magazine, bashkëthemeluese e serisë së koncerteve Upstream për muzikë dhe performancë të re në Hamburg, dhe gjysma e dyshes muzikore eksperimentale CILIA.
——-
Ekspozita “In the Making III” është pjesë e projektit “Art Space Unlimited” i cili bashkë-përkrahet nga Bashkimi Evropian. Ky aktivitet mbështetet Ministria e Kulturës, Rinisë dhe Sportit, Goethe Institute, SMART Balkans.
