16-17-18.05.2025
Ky program edukativ forcon rolin jetik të skenës së pavarur në përmirësimin dhe pasurimin e peizazhit të edukimit joformal në vend. Vjen si nevojë urgjente për vetëdijesim dhe përparim. Programi ofron një gamë të larmishme klasash, me leksione, trajnime dhe mësime nga ligjërues/e të nderuar/a, teoricienë/e, artistë/e dhe figura të tjera nga industritë krijuese. Përfshirja e tyre synon të ndihmojë pjesëmarrësit/et të vënë në pah potencialin e tyre krijues, duke nxitur një ndjenjë besimi dhe mbështetje në udhëtimet e tyre profesionale.
Klasat e Majit janë hartuar me përpikëri rreth temave specifike dhe udhëhiqen nga artistë/e, teoricienë/e, kuratorë/e, shkrimtarë/e, aktivistë/e, vendor dhe ndërkombëtarë. Këta/o ekspertë/e ftohen që të hartojnë një kurrikulë ndërdisiplinore që jo vetëm adreson nevojat e kontekstit lokal, por gjithashtu pasqyron zhvillimet dhe sfidat bashkëkohore. Nëpërmjet shkëmbimit të njohurive dhe përvojave të tyre, duke u ofruar pjesëmarrësve mundësi të reja për bashkëpunim, duke prezantuar modele dhe praktika bashkëkohore që janë pjesë përbërëse e arsimit modern.
Këto klasa janë krijuar për një numër të kufizuar pjesëmarrësish të cilët/cilat bëhen pjesë e kursit intensiv katër-ditor për të cilin janë regjistruar. Përveç këtyre kurseve të mbyllura, programi i Klasave të Majit përfshin dy ligjërata publike të hapura për të gjithë.
Pjesëmarrja në këto klasa është pa pagesë dhe e hapur për pjesëmarrës vendor dhe ndërkombëtarë.
Ligjërueset dhe temat:
Mette Sterre – Glistering Glitches botched bodies floating in between cyberspace and realitycheck
April Gertler and Adrian Schiesser – Recipes for Formats of Engagement
Thibaut de Ruyter – Into the Impossible – Oblique Strategies
Data e fundit për aplikim është 12 maj 2024
Regjistrohu këtu: https://forms.gle/Kgfs4XPRDMpqftQm7
Shënim: Klasat do të mbahen në gjuhën angleze dhe janë të hapura për pjesëmarrës/e vendor/e dhe ndërkombëtar/e. Pjesëmarrja është pa pagesë.
Numri i pjesëmarrësve/eve është i limituar dhe vetëm personat e pranuar do të njoftohen.
Për më shumë informata na kontaktoni në galeria@foundation17.org.
—
Klasat e Majit 2025 mbështetet nga Ministria e Kulturës, Rinisë dhe Sportit, KCSF dhe SMART Balkans.